Sandyq tehnologııalar ındýstrııasynyń kóshbasshylary elordada bas qosady
TANA. 17 tamyz. QazAqparat /Marlan Jıembaı/ - 14-16 qyrkúıek kúnderi elordada Ortalyq Azııadaǵy asa iri «Digital Communication Kazakhstan-2011» kórme-konferentsııasy ótedi.
Bul týraly búgin elordada atalǵan sharany uıymdastyrýshylar málim etti.
Olardyń atap ótýinshe, Qazaqstan, AQSh, Reseı, Eýropa jáne Qytaı elderinen keletin 400 delegat pen 65 baıandamashy uıaly baılanys, telekommýnıkatsııa, sandyq telearna, keńjolaqty ınternet, aqparattyq tehnologııa, E-Úkimet, E-saýda, ınteraktıvti jarnama salasyndaǵy ózekti taqyryptardy talqylamaq.
«QR Baılanys jáne aqparat mınıstrligi sońǵy jyldary uıaly baılanys, keńjolaqty ınternettiń damýynda tańǵajaıyp serpilis jasady. Sondyqtan biz osyndaı kórme-konferentsııany ótkizýdiń oraı kelip tur dep sanaımyz. Sonymen qatar biz seriktesterimizben birlesip 65-ke jýyq halyqaralyq jáne qazaqstandyq spıker shaqyrdyq. Olar Astanaǵa kelip, óz jobalaryn usynady jáne jańa yntymaqtastyqtyń negizin qalaıdy. Aqparattyq tehnologııalar salasynda jańa ónimdermen tanystyrady», - dedi «J'son & Partners» konsaltıngtik kompanııasynyń basqarýshy seriktesi Karl Iohansson.
