Sandyq entsıklopedııa: «Qazaqstan - Uly Dala Eli» qosymshasy jóninde ne bilemiz

Bul qosymsha - quramynda Qazaqstan týraly biregeı keshendi aqparat jınalǵan sandyq tehnologııalar salasyndaǵy alǵashqy ónimderdiń biri. Qosymshada qoldanylǵan kóptegen fotosýretter men beınematerıaldar eksklıýzıvti bolyp tabylady jáne de buǵan deıin jarııalanbaǵan. Ázirleýshi ár materıaldyń tehnıkalyq jáne kórkemdik sapasyna joǵary talaptar qoıǵan.

Qosymsha Windows, Apple, Android  júıelerine negizdelgen qurylǵylardyń barlyq túrleri (uıaly telefondar, planshetter, noýtbýkter, kompıýterler) úshin jasalǵan. Veb-saıt úlgisindegi nusqasy da bar.

Ónimdi jasaýǵa bir top jergilikti jáne sheteldik mamandar jumyldyrylǵan, olardyń ishinde jýrnalıster, fotograftar, vıdeooperatorlar, dızaınerler, baǵdarlamashylar, jalpy - 80 adam men 33 memlekettik jáne jeke uıym bar.

Qazaqstandyqtar úshin bul qosymsha Otanymyz týraly keshendi taqyryptardyń keń aýqymyn qamtıtyn naǵyz sandyq entsıklopedııa bolyp sanalady. Tutastaı alǵanda, qosymsha 10 bólimnen turady: geografııa, tarıh, qoǵam, mádenıet, memleket, halyqaralyq qatynastar, ekonomıka, týrızm, Astana jáne «EKSPO-2017».

Otandyq dıplomattar qosymshany sheteldik áriptesterimen kezdesýler men prezentatsııalar barysyndaǵy aqparattyq-ımıdjdik jumystarda, sheteldegi otandastar men qazaq dıasporasynyń arasynda tarata alady. Sheteldikterdi, ásirese, Qazaqstandaǵy týrızm men ınvestıtsııalar jáne «EKSPO-2017» kórmesi týraly materıaldar qyzyqtyrady.

Qosymsha qazaq, orys jáne aǵylshyn tilderinde jaryq kórdi.

Eske sala keteıik, 2016 jylǵy 20 maýsymda Qazaqstan Respýblıkasynyń sol kezdegi syrtqy ister mınıstri Erlan Ydyrysovtyń halyq  aldynda esep berý kezdesýi barysynda «Qazaqstan - Uly Dala Eli» sandyq tehnologııalar salasyndaǵy jańa ónimniń tanystyrylymy ótti.

Sandyq qosymshany tanystyrý kezinde E. Ydyrysov atap ótkendeı, jańa ónim QR Syrtqy ister mınıstrligi atqarǵan aqparattyq-ımıdjdik jumystyń naqty jemisi jáne Bes ınstıtýtsıonaldy reformalar aıasynda atqarylatyn «100 naqty qadam» Ult Josparynyń sheńberindegi 87-qadamdy júzege asyrýǵa eleýli úles bolyp tabylady.

Qosymshany AppStore jáne Play Market arqyly júkteýge bolady. Ol úshin izdeý jolaǵyna - Kazakhstan Land of the Great Steppe engizý qajet.

Tikeleısiltemeler:

AppStore - https://itunes.apple.com/ru/app/kazakhstan-land-great-steppe/id1117366063?l=en&mt=8

Play Market - https://play.google.com/store/apps/details?id=ro.siveco.kazakhstan