Sandýǵash Kenjebaeva úsh ret qatarynan Túrkııadaǵy týrnırde úzdik atandy

ASTANA. KAZINFORM – Qazaqstandyq tennısshi Sandýǵash Kenjebaeva juptyq synda Antalııa (Túrkııa) ITF W15 týrnıriniń chempıony atandy.

Jarystyń 2-raketkasy bolyp tirkelgen qazaqstandyq tennısshi germanııalyq Joel Stoırmen birge fınalda otandasy Asyljan Arystanbekova – reseılik Darıa Shadchnevamen kýbokty sarapqa saldy.

Birinshi partııada Asyljan men Darıa 6:3 esebimen basym tústi. Ekinshisinde qazaqstandyq-germanııalyq jup ese qaıyrdy – 6:4. Sodan keıin sýper taı-breıkte jeńistik bermedi – 10:2.

Fınaldyq match saǵat jarymǵa jýyq ýaqytqa sozyldy. Osylaısha, Sandýǵash Kenjebaeva juptyq synda úsh ret qatarynan Antalııa tórinde úzdik shyqty. Munyń aldynda ol basqa tennısshilermen birge chempıondyq ataqty jeńip alǵan edi.

Eske sala keteıik, budan buryn Sandýǵash Kenjebaeva men Asyljan Arystanbekovanyń Túrkııadaǵy týrnırde chempıondyqqa talasatynyn jazǵan bolatynbyz.