Sandýǵash Kenjebaeva men Asyljan Arystanbekova Túrkııadaǵy týrnırde chempıondyqqa talasady

ASTANA. KAZINFORM – Qazaqstandyq tennısshiler Sandýǵash Kenjebaeva men Asyljan Arystanbekova juptyq synda Antalııa (Túrkııa) ITF W15 týrnıriniń fınalyna shyqty.

Jarystyń 2-raketkasy bolyp tirkelgen 19 jastaǵy S.Kenjebaeva germanııalyq Joel Lıllı-Sofı Stoırmen birge úsh kezdesýin jeńispen aıaqtady.

Qazaqstandyq-germanııalyq jup aldymen tartysty matchta amerıkalyqtar Brendelın Fýlgentsı – Loren Fýlgentsıdi utty – 7:5, 2:6, 10:2.

Shırek fınalda nıderlandylyq Melıss Boıden – reseılik Marııa Mıhaılovaǵa birde-bir geım bergen joq — 6:0, 6:0.

Al jartylaı fınalda bir saǵat 11 mınýtqa sozylǵan matchta ıtalııalyqtar Djýlıana Bestettı – Ottavııa Massettıdiń meselin qaıyrdy – 6:4, 6:2.

Taǵy bir qazaqstandyq, 18 jastaǵy Asyljan Arystanbekova reseılik Darıa Shadchnevamen birge 1/8 fınalda jarystyń 3-raketkalary, grýzııalyqtar Anna Bochoradze – Sofıa Shapatavany joldan taıdyrdy – 6:3, 6:1.

Shırek fınalda qytaılyq ıAıdjın Tsao – japonııalyq Ena Koıkeden basym tústi — 6:2, 6:3.

Jartylaı fınalda qazaqstandyq-reseılik dýet rýmynııalyq Bıanka Berbýleský – norvegııalyq Astrıd Vanıa Brýne Olsendi tizerletti – 6:1, 6:2.

Osylaısha, Sandýǵash Kenjebaeva – Joel Lıllı-Sofı Stoır fınalda Asyljan Arystanbekova – Darıa Shadchnevamen bas júldeni sarapqa salady.

S.Kenjebaeva juptyq synda Antalııada osymen úshinshi ret qatarynan fınalǵa joldama alyp otyr. Munyń aldynda ol eki márte jeńimpaz atanǵan edi.

Eske sala keteıik, budan buryn Sandýǵash Kenjebaevanyń ekinshi ret qatarynan Túrkııadaǵy jarystyń chempıony atanǵanyn jazǵan bolatynbyz.

Sondaı-aq Portýgalııadaǵy jarysta Popkony utqan Juqaev shırek fınalǵa ótti.

Aýstralııa ashyq chempıonatynda Novak Djokovıch jartylaı fınaldyq kezdesýin aıaqtaı almady.