Sandýǵash Kenjebaeva Qytaıdaǵy jarystyń jartylaı fınalyna shyqty

ASTANA. KAZINFORM — Qazaqstandyq tennısshi, 20 jastaǵy Sandýǵash Kenjebaeva juptyq synda Maanshan (Qytaı) ITF W15 týrnıriniń jartylaı fınalyna ótti.

Jarystyń 4-raketkalary bolyp tirkelgen Sandýǵash Kenjebaeva men reseılik Sofıa Lansere shırek fınalda qytaılyqtar Ifan Sýn — Sıchen Chjaomen sheberlik baıqasty.

Birinshi partııada qazaqstandyq-reseılik jup 1:6 ese jibergenimen, ekinshi sette ese qaıyrdy — 6:3.

Sodan keıin taı-breıkte jeńisti julyp aldy — 10:5.

Match 1 saǵat 23 mınýtqa sozyldy.

Sandýǵash Kenjebaeva — Sofıa Lansere fınalǵa shyǵý úshin dodanyń 1-raketkalary, qytaılyq ıÝtszıa Hýan — taıbeılik ıÝ-ıÝn Lı H-men talasady.

Sandýǵash Kenjebaeva jekeleı synda ekinshi aınalymda álemniń 348-inshi, osy týrnırdiń 2-raketkasy, qytaılyq Lı Tszýnıýı H-ǵa jol berdi — 1:6, 2:6.

Eske sala keteıik, budan buryn qazaqstandyq tennısshiniń Qytaıdaǵy týrnırde bir kúnde eki jeńiske qol jetkizgenin jazǵan edik.