Sandýǵash Kenjebaeva Qytaıdaǵy týrnırdiń jeńimpazy atandy

ASTANA. KAZINFORM – Qazaqstandyq, 20 jastaǵy Sandýǵash Kenjebaeva juptyq synda Maanshan (Qytaı) ITF W15 týrnırinde úzdik shyqty.

Jarystyń 2-raketkalary bolyp tirkelgen qazaqstandyq tennısshi reseılik Sofıa Lanseremen birge barlyǵy tórt kezdesýin jeńispen támamdady.

Qazaqstandyq-reseılik jup fınalda dodanyń 1-raketkalary, qytaılyq Meıkı Kýo – taılandtyq Peangtarn Plıpýekpen chempıondyq ataq úshin talasty.

Birinshi partııada Kenjebaeva – Lansere 6:3 esebimen basymdylyq tanytty.

Ekinshisinde qytaılyq-taılandtyq dýet qarymta qaıyrdy – 6:3.

Sýper taı-breıkte Sandýǵash pen Sofıa tarazy basyn aýdara bildi – 10:8.

Fınaldyq match 1 saǵat 14 mınýtqa sozyldy.

Sandýǵash Kenjebaeva juptyq synda bıyl jyl basynda Túrkııadaǵy osyndaı eki jarysta jeńimpaz atanǵan edi.

Eske sala keteıik, budan buryn Sandýǵash Kenjebaevanyń ekinshi ret Túrkııadaǵy jarystyń chempıony atanǵanyn jazǵan bolatynbyz.