Sandýǵash Kenjebaeva Qytaıdaǵy týrnırdiń fınalyna shyqty

ASTANA. KAZINFORM — Qazaqstandyq tennısshi, WTA reıtıngisinde 1 465-orynda turǵan Sandýǵash Kenjebaeva juptyq synda Lýan (Qytaı) ITF W15 týrnıriniń fınalyna ótti.

Qazaqstandyq sportshy reseılik Marııa Kalıakınamen birge áýeli tartysty básekede qytaılyqtar ıAtszın Tsao — ıÝpın Vandy joldan taıdyrdy — 2:6, 7:5, 10:7.

Qazaqstandyq-reseılik jup shırek fınalda jarystyń 1-raketkalary, jergilikti tennısshiler Tszıaı Van — Ihan Vanǵa tap keldi.

Qarsylastarynyń favorıt bolǵanyna qaramastan, Sandýǵash pen Marııa bul joly da sýper taı-breıkte jeńisti julyp aldy — 6:2, 2:6, 12:10.

S.Kenjebaeva — M.Kalıakına jartylaı fınalda taǵy da qytaılyqtar Lınjý Ge — Sıao Tanmen sheberlik baıqasty.

Birinshi partııada 6:4 esebi tirkeldi. Ekinshi sette qazaqstandyq-reseılik dýet taı-breıkte sátti oınady — 7:6 (7:5).

Osylaısha, fınalǵa joldama alǵan Sandýǵash Kenjebaeva — Marııa Kalıakına sońǵy básekede Qytaı eliniń ókilderi Chen ıAn — Ma Josımen chempıondyq ataqty sarapqa salady.

Eske sala keteıik, budan buryn qazaqstandyq tennısshilerdiń Ispanııadaǵy týrnırdiń fınalynda oınaıtynyn jazǵan bolatynbyz.