Sandýǵash Kenjebaeva ekinshi ret Túrkııadaǵy jarystyń chempıony atandy

ASTANA. KAZINFORM – Qazaqstandyq tennısshi, 19 jastaǵy Sandýǵash Kenjebaeva juptyq synda Antalııa (Túrkııa) ITF W15 týrnıriniń chempıony atandy.

Qazaqstandyq tennısshi chehııalyq, 18 jastaǵy Elıska Tıhachkovamen birge fınalda jarystyń 2-raketkalary, germanııalyq Sofı Stoıer – belgııalyq Amelı Van Impemen bas júldeni sarapqa saldy.

Qazaqstandyq-chehııalyq jup kambek jasap, bir saǵattan sál astam ýaqytqa sozylǵan básekede 1:6, 6:1, 10:8 esebimen jeńiske jetti. 

Bul – Sandýǵashtyń juptyq synda ITF dodalaryndaǵy tórtinshi tıtýly 

Ótken aptada qazaqstandyq tennısshi túrkııalyq Ilaı Iorýkpen birge Antalııada úzdik shyqqan edi.

S.Kenjebaeva ótken jyldan beri Aqtóbe tennıs mektebiniń túlegi Artýr Haırýtdınovtyń qolastynda jattyǵyp keledi. 

Eske sala keteıik, budan buryn Aýstralııa ashyq chempıonatynda Elena Rybakınanyń tórtinshi aınalymǵa shyqqanyn jazǵan bolatynbyz.

Elena Rybakına jaraqaty týraly aıtyp berdi. 

Sondaı-aq Zańǵar Nurlanuly «Úlken dýlyǵa» týrnırinde alǵashqy jeńiske qol jetkizdi.