Sandýǵash Kenjebaeva Astana jarysynyń shırek fınalyna ótti

ASTANA. KAZINFORM — Qazaqstandyq tennısshi, álemniń 1013-raketkasy Sandýǵash Kenjebaeva Astanada ótip jatqan ITF W35 týrnıriniń shırek fınalyna joldama aldy.

Qazaqstandyq jas tennısshi ekinshi aınalymda dúnıejúzilik reıtıngide 1268-orynda turǵan ázerbaıjandyq Mıshel Djachangırovanyń mysyn basty.

Birinshi partııada Sandýǵash 7:5 esebimen basym tústi. Ekinshisinde qarqynyn tipti údetti – 6:1. Kezdesý 1 saǵat 19 mınýtta aıaqtaldy.

Sandýǵash Kenjebaeva jartylaı fınalǵa shyǵý úshin álemniń 417-inshi, osy jarystyń 2-raketkasy, reseılik Tatıana Prozorovamen talasady. Ol ekinshi aınalymda otandasy Aglaıa Fedorovany qapy qaldyrdy – 6:2, 4:6, 6:1.

Taǵy bir qazaqstandyq, reıtıngide 866-satydaǵy Sonıa Jıenbaeva álemniń 349-raketkasy, ońtústikkoreıalyq Da En Bekke jol berdi – 5:7, 6:7 (1:7). Bul tartysty match 2 saǵat 7 mınýtqa sozyldy.

Eske sala keteıik, budan buryn tennısshiler Kenjebaeva men Jıenbaevanyń Astanadaǵy jarystyń 1/8 fınalyna shyqqanyn jazǵan bolatynbyz.