Sandýǵash Kenjebaeva Antalııadaǵy jarystyń jeńimpazy atandy

ASTANA. KAZINFORM – Qazaqstandyq tennısshi, 19 jastaǵy Sandýǵash Kenjebaeva juptyq synda Antalııa (Túrkııa) ITF W15 týrnıriniń chempıony atandy.

Qazaqstandyq sportshy túrkııalyq Ilaı Iorýkpen birge jarystyń 2-raketkasy bolyp tirkelgen edi.

S.Kenjebaeva – I.Iorýk fınalda dodanyń 1-raketkalary, germanııalyq Mına Hodjıch – shveıtsarııalyq Marı Mettraýkspen bas júldeni sarapqa saldy.

Birinshi partııada qazaqstandyq-túrkııalyq jup sátti oınady – 6:4.

Ekinshisinde qarsylastary ese qaıyrdy – 5:7.

Esesine sýper taı-breıkte Sandýǵash pen Ilaı jeńisti julyp aldy – 10:8.

Fınaldyq match saǵat jarymǵa jýyq ýaqytqa sozyldy.

Taǵy bir qazaqstandyq, 20 jastaǵy Arýjan Saǵyndyqova reseılik Marııa Golovınamen birge Monastır (Týnıs) ITF W15 jarysynyń fınalynda utylyp qaldy.

Qazaqstandyq-reseılik dýet sońǵy básekede ǵana slovenııalyq Zıva Folkner – serbııalyq Elena Mılovanovıchke jol berdi – 4:6, 4:6.

Eske sala keteıik, budan buryn qazaqstandyq tennısshilerdiń ITF týrnırlerinde chempıondyq ataq úshin talasatynyn jazǵan bolatynbyz.

Sondaı-aq Denıs Evseev Portýgalııadaǵy jarystyń fınalyna shyqty.