Sandýǵash Kenjebaeva Antalııada jarystyń 2-raketkasyn jeńip, jartylaı fınalǵa shyqty

ASTANA. KAZINFORM – Qazaqstandyq tennısshi, 19 jastaǵy Sandýǵash Kenjebaeva jekeleı synda Antalııa (Túrkııa) ITF týrnıriniń jartylaı fınalyna joldama aldy. 

Dúnıejúzilik reıtıngide 1 171-orynda turǵan qazaqstandyq jas tennısshi shırek fınalda álemniń – 660, osy jarystyń 2-raketkasy, germanııalyq Natalııa Sıdlıskamen synǵa tústi.

Birinshi partııada germanııalyq sportshy bet qaratpady – 6:1. Esesine ekinshisinde Sandýǵash taı-breıkte ese qaıyrdy – 7:6 (7:3). Sheshýshi, úshinshi sette qazaqstandyq tennısshi sheberligin kórsete bildi – 6:4. 

Sandýǵash Kenjebaeva fınalǵa shyǵý úshin álemniń 788-inshi, dodanyń 7-raketkasy, 18 jastaǵy marokkolyq Aıa El-Aýnımen talasady. 

Eske sala keteıik, budan buryn ıÝlııa Pýtıntsevanyń Rımde AQSh chempıonyn tize búktirgenin jazǵan bolatynbyz. Elena Rybakına densaýlyǵyna baılanysty Rım týrnırine qatysýdan bas tartty.