Sandra Býllok álemdegi eń sulý áıel dep tanyldy
ASTANA. QazAqparat - People jýrnaly gollıvýdtyq aktrısa Sandra Býllokty 2015 jylǵy eń sulý áıel dep tanydy. Alaıda ol syrtqy sulýlyqty asa bıik qoımaıtyny atap ótiledi.
50 jastaǵy Býllok jýrnaldyń sheshimin estigende, jaı ǵana jymıyp qoıa salǵan, dep jazady Ýtro.rý . Naǵyz sulýdyq qarapaıymdylyqta, - dedi ol.«Álemdegi eń sulý áıel men ekenin aıtyp, jýrnal redaktsııasynan qońyraý shalǵanda óz qulaǵyma senbedim. Bul týraly eshkimge aıtpadym da!»
Basylym aktrısa analyq sezimdi baǵa jetpes sulýlyq dep sanaıtynyn jazady.
«Jaqsy ana atanyp, ár kúni bir ıgi is isteı bilseń, naǵyz sulýlyq sol der em», - dedi Sandra.
Birneshe jyl buryn ol jetim Lýsıany asyrap alǵan. Suhbatynda aktrısa eń jyly sózderdi ulynan estıtinin aıtqan. Býllok bir kezderi balasyn uıyqtatpaqshy bolǵan ýaqytta, uly: «Kári, ájim-ájim bolsań da seni qatty jaqsy kóremin» degen eken.
«Men kárimin be?» degende, uly: «Joq kári emessiń sen baqyttysyń», - depti.
Aıta keteıik, People basylymy jyl saıyn eń sulý, tartymdy názik jandy ókilin tańdaıdy. Ótken jyly «Oskar» syılyǵynyń ıegeri «12 jyl qulshylyq» fılminiń juldyzy Lýpıta Nıongo álem sulýy atanǵan bolatyn.
