Sandyq analogtardan 12 ese jyldam: Qytaı energııa únemdeıtin JI chıpin shyǵardy
ASTANA. KAZINFORM – Beıjiń ýnıversıtetiniń zertteýshileri negizgi kórsetkishter boıynsha zamanaýı sandyq arhıtektýralardan aıtarlyqtaı asyp túsetin JI júıelerine arnalǵan mamandandyrylǵan analogtyq chıpti jasap shyǵardy, dep habarlaıdy South China Morning Post.
Habarlanǵandaı, jańa chıp sandyq analogtaryna qaraǵanda 12 ese jyldam, bul rette onyń energııany tutynýy 200 eseden astam tómen. Usynylǵan ázirleme naqty derekterdi óńdeýge qabiletti, bul Jı júıeleriniń energııany kóp qajet etetin sandyq protsessorlarǵa táýeldiligi týraly túsinikti ózgertedi.
Qurylǵynyń arhıtektýrasy tek qarapaıym esepteýge ǵana emes, sonymen qatar jeke usynystar men keskinderdi óńdeýdi qosa alǵanda kúrdeli tapsyrmalarǵa da beıimdelgen.
Jańa sheshimniń tıimdiligi aýqymy jaǵynan Netflix jáne Yahoo jahandyq platformalary qorlarymen salystyrýǵa bolatyn derekter jıyntyǵynda synaldy. Medıakontentti kompressııa boıynsha synaqtan ótkizý aıasynda chıp sýret sapasyn joǵary dáldiktegi sandyq esepteýlermen salystyrýǵa bolatyndaı saqtap, jad kólemin eki ese azaıta aldy.
Buǵan deıin qytaılyq robototehnıka salasyndaǵy JI startapy álemdik reıtıngte kósh bastaǵanyn jazdyq.
