Sanders 2020 jylǵy AQSh prezıdenttigine saılaýǵa túsýge nıetti
ASTANA. QazAqparat - Senator-demokrat Bernı Sanders 2020 jyly AQSh prezıdentigine qaıta daýysqa túsý múmkindigin talqylaýda, dep habarlaıdy Hill basylymy senatordyń kómekshisine silteme jasap.
Eske sala ketsek, 2016 jylǵy saılaý naýqanyna belsene qatysqan Sanders prezıdentikke Demokratııalyq partııa atynan úmitker bolǵan Hılları Klıntonnan utylǵan edi.
«Iıa, ol qaıta túsýge eńbek sińirdi, ol eger demokrattar atynan kandıdat bolsa, Trampty (AQSh prezıdenti) saılaýda jeńemin dep esepteıdi»,-degen Sanders kómekshisiniń sózin keltiredi basylym.
Sanders kelesi prezıdenttik saılaýǵa nıeti bar ekendigin jarııa túrde málimdegen joq. 2020 jyly onyń jasy 79 -ǵa tolady.
Budan buryn Sanders Tramptyń 2020 jyly ekinshi merzimge qaıta saılanbaıtyndyǵyn málimdegen bolatyn.
