Sanches Golovkındi eń daryndy shákirtim dep atady

ASTANA. QazAqparat - Gennadıı Golovkınniń jattyqtyrýshysy Abel Sanches GGG onyń qamqorlyǵyndaǵy sportshylardyń ishinde eń daryndy ekendigin jáne onyń jattyǵý kezindegi talapshyldyǵy men tártibin aıtyp ótti, dep habarlaıdy Sports.kz.

80-90 jyldary Sanches birinshi orta salmaq  dárejesindegi birneshe tujyrymdar boıynsha burynǵy álem chempıony amerıkalyq Terrı Norrıspen jumys istegen.

«Terrı Norrıs - dańqty boksshy, ol kóptegen tıtýldardy jeńip aldy, biraq men ózim jattyqtyrǵandar ishinde eń myqtysy Gennadıı dep esepteımin. Al onyń  daryndylyǵy jaıly ne oılaıtyndyǵym aıtpasam da túsinikti bolar. Biz ony barlyq aıbyndylyǵymen áli de kórgen joqpyz dep esepteımin. Zalda ol ózin tutastaı jattyǵýǵa arnaıdy. Bir sát bos júrmeıdi. Ár zaldyń óz kóshbasshysy bar, basqa sportshylar Gennadıdiń qalaı jattyǵatyndyǵyn moıyndaıdy. Sonysymen ol GGG», - dedi Sanches Reviewjournal.com-ge bergen suhbatynda.