Sanches Golovkın men Djeıkobs qarymta kezdesýiniń qashan ótýi múmkin ekenin aıtty
ASTANA. QazAqparat - Gennadıı Golovkınniń jattyqtyrýshysy Abel Sanches boksshynyń aldaǵy jospary men Denıel Djeıkobspen qarymta kezdesýi ótýi yqtımal ekenin aıtty, dep habarlaıdy Sports.kz.
«Bizdiń aldaǵy josparlarymyz jasalyp qoıdy. Eger revansh ótetin bolsa, múmkin, 3-4 aıqastan keıin shyǵar. Gennadıı qyrkúıekte bireýmen judyryqtasady. Eger ol Kanelo bolsa, ol onymen jekpe-jekke shyǵady, keıin óziniń chempıondyq tıtýlyn 20-ret qorǵaıdy. 21-qorǵaýdy ótkizip, Hopkınstiń rekordyn jańartý úshin orta salmaqta qala ma? Men ony bilmeımin. Onymen judyryqtasqysy keletin taǵy bir boksshy - Hılberto Ramıres, sondyqtan ekinshi orta salmaqta nusqalar bar. Kelesi úsh nemese tórt aıqas josparlandy nemese boljamdy túrde josparlandy. Djeıkobspen rematch 5-6 jekpe-jekten keıin ótýi yqtımal», - dedi Sanches On The Ropes radıosyna bergen suhbatynda.
