Sanches Golovkın men Alvaresten rıngte qandaı áreket kútetinin aıtty
ASTANA. QazAqparat - Bapker Abel Sanches Gennadıı Golovkın men Saýl Alvarestiń sońǵy aıqastary olardyń 16 qyrkúıekte ótetin jekpe-jeginiń «ólsheýshi» quraly bola almaıtyndyǵyn atap ótti, dep habarlaıdy Sports.kz.
«Kanelo» Golovkınmen basqalarmen aıqasqandaı judyryqtaspaıdy dep oılaımyn. GGG da Djeıkobspen aıqasqandaǵydaı emes, basqasha áreket etetin bolady. Bizdiń tarapymyzdan «Kanelonyń» kishi Chavespen aıqasy negizinde jekpe-jekke jospar qurǵanymyz aqymaqtyq bolar. Chaves - Golovkınmen salystyrǵanda múldem basqa boksshy», - dep keltiredi Sanchestiń sózin Boxingnews24.com.
Onyń aıtýynsha, eger Alvarestiń komandasy GGG-diń Djeıkobspen jekpe-jegin negizge alsa, bul da durys emes.
«Denıel de múldem basqa boksshy jáne ol kóp nárseni «Kanelodan» jaqsyraq isteıdi. Osylaısha, taspalarǵa qarap onyń qalaı judyryqtasatynyna boljam jasaý múmkin emes, sebebi «Kanelomen» ótetin aıqastyń GGG-ge kóp baılanysty», - dep málimdedi Sanches.
