Sanavıatsııa sábı men onyń anasyn Taılandtan Almatyǵa jetkizdi
ASTANA. KAZINFORM – Keshe, 11 mamyrda Phýket qalasynan Almaty qalasyna eki aılyq náreste medıtsınalyq avıatsııa arqyly jetkizildi.
Naýqastyń jaǵdaıynyń aýyr bolýyna, ókpeni jasandy jeldetý apparatyna qosylýyna jáne turaqty ottegi qoldaýyn qajet etýine baılanysty medıtsınalyq tasymaldaýdy arnaıy tasymaldaý kıývezinde júrgizý týraly sheshim qabyldandy.
Densaýlyq saqtaý mınıstrligi málimetinshe, tasymaldaý UShMÚO medıtsınalyq avıatsııa mobıldik brıgadasy arqyly júzege asyryldy. Brıgada quramynda dáriger Jasulan Jumǵulov, feldsher Bolat Sháripov jáne neonatologııa departamentiniń basshysy Ashat Qýanyshbaev boldy.
Almaty qalasyna kelgennen keıin náreste ári qaraı mamandandyrylǵan em alý úshin Pedıatrııa jáne balalar hırýrgııasy ǵylymı ortalyǵyna jatqyzyldy.
