Sanavıatsııanyń kómegine kóp júginetin óńirler anyqtaldy
«Búgingi tańda qan aınalymy júıesiniń aýrýlary Qazaqstandaǵy ólim-jitim sebepteriniń biri bolyp otyr. Mıokard ınfarktisiniń oryn alýy men onyń aldyn alýdyń ýaqytyn qysqartýǵa múmkin árbir mınýt júrek bulshyqetiniń ómirsheńdigi saqtaýǵa múmkindik beredi. ıAǵnı ınfarkt saldarynan zaqymdaný aımaǵyn azaıtady. Atap aıtqanda, qan aınalymy júıesiniń aýrýlary boıynsha sanavıatsııamen tasymaldaý qyzmetiniń úlesi edáýir. Bul rette ınfarkt jáne ınsýlt alǵan naýqastarǵa oblystyq jáne respýblıkalyq deńgeıdegi mamandandyrylǵan medıtsınalyq uıymdar jaǵdaıyndaǵy kómek qajet bolady», - delingen Densaýlyq saqtaý mınıstrligi taratqan málimette.
Tek aǵymdaǵy jyldyń birinshi jartyjyldyǵynda sanavıatsııa qyzmetimen osyndaı 265 naýqas tasymaldandy. Qan aınalym júıesi aýrýlary sebebinen eń kóp tasymaldy «áýe jedel járdemi» Mańǵystaý, Qaraǵandy, Atyraý oblystarynda oryndady.
Búginde alys aýdandardan naýqastardy sanavıatsııa kúshimen jedel jetkizý júıesi Qazaqstannyń barlyq óńirlerinde tıimdi jumys isteıdi. Bul ólim-jitim kórsetkishterin jaqsartýǵa, ásirese, aýyldyq jerlerdegi halyqtyń ómir súrý uzaqtyǵyna áser etetin óte mańyzdy baǵyttardyń biri.
Jalpy, osy kezeńde sanavıatsııamen 982 áýe saparlary oryndaldy. Sanıtarııalyq avıatsııanyń utqyr brıgadasymen 1072 naýqasqa medıtsınalyq kómek kórsetildi, sondaı-aq 1137 medıtsınalyq qyzmetter oryndaldy.