Sanavıatsııa jol apatynan zardap shekken áıeldi Temirtaýdan Astanaǵa jetkizdi
ASTANA. QazAqparat - QR Sanıtarııalyq avıatsııasy Temirtaýdaǵy jol apatynan zardap shekken áıeldi Astanadaǵy aýrýhanaǵa jetkizdi, dep habarlaıdy QazAqparat tilshisi.
«1976 jylǵy naýqas jol apatynda kóptegen jaraqattar alyp, Temirtaý qalasynyń Ortalyq aýrýhanasyna jetkizildi. 2018 jyly 5 qyrkúıek kúni 15:00-de naýqas arnaıy medıtsınalyq kómek kórsetý úshin Astanadaǵy №2 qalalyq aýrýhanaǵa tikushaqpen jetkizildi. Ushý kezinde naýqasqa sanıtarııalyq avıatsııanyń mobıldi brıgadasy qarap otyrdy», - dep málimdedi respýblıkalyq sanıtarııalyq avıatsııa ortalyǵynyń baspasóz qyzmeti.
Facebook paıdalanýshysy Dıana Snegınanyń aıtýynsha, naýqasqa birneshe mınýttardyń ishinde shuǵyl medıtsınalyq kómek kórsetilgen.
«Tikushaq - medıtsına qyzmetterin kórsetýdiń taptyrmas quraly. Jýyq arada bul qalypty jaǵdaıǵa aınalady dep úmittenemin», - dep jazdy ol.
