Sanavıatsııa ortalyǵynyń bıýdjet qarajattaryn paıdalanýy zańdylyǵy tekseriledi
ASTANA. QazAqparat - Tikushaq qulaǵannan keıin Sanavıatsııa ortalyǵynyń bıýdjet qarajattarynyń paıdalanýy zańdylyǵy tekseriledi Bul týraly QR Bas kólik prokýratýrasynyiń baspasóz qyzmeti habarlady.
2016 jyldyń 27 qańtary kúni saǵat 16:55 shamasynda Almaty oblysynda MD-600N tikushaǵy apatqa ushyrap, onyń saldarynan 5 adam qaza tapqan (1 ushqysh jáne 4 jolaýshy, onyń ishinde 1 kámeletke tolmaǵan bala).
Tikushaqtyń ushýy 2015 jylǵy 30 jeltoqsanda áýe-kólik qyzmetterin kórsetý týraly jasalǵan sharttyń sheńberinde «Respýblıkalyq sanıtarııalyq avıatsııa ortalyǵy» RMK-nyń ótinimi boıynsha «Aspan» áýekompanııasy» AQ-nyń paıdalanýyndaǵy áýe kemesimen júzege asyrylǵan.
Atalǵan fakt Úshtóbe stansasyndaǵy Jelilik polıtsııa bóliminiń Sotqa deıingi tergep-tekserýlerdiń biryńǵaı tiziliminde aǵymdaǵy jylǵy 27 qańtarda Qylmystyq kodekstiń 344-baby boıynsha tirkeldi (temirjol, áýe, teńiz nemese ózen kóligi júrisi nemese olardy paıdalaný qaýipsizdigi qaǵıdalaryn buzý).
Qazirgi ýaqytta Qazaqstan Respýblıkasy Bas Prokýrorynyń tapsyrmasy boıynsha sotqa deıingi tergep-tekserý materıaly Qazaqstan Respýblıkasy Bas kólik prokýratýrasynyń arnaıy prokýrorynyń óndirisine qabyldandy.
Sonymen qatar «Respýblıkalyq sanıtarııalyq avıatsııa ortalyǵy» RMK-niń bıýdjettik qarajatty paıdalanýy jáne áýe-kólik qyzmetterin kórsetý zańdylyǵyn saqtaýyna tekserister taǵaıyndaldy.
