Sanavıatsııa aýyr haldegi sábıdi Qyzylordadan Almaty qalasyna jetkizdi
Mınıstrliktiń baspasóz qyzmetiniń málimdeýinshe, 1987 jylǵy Qazaqstan Respýblıkasynyń azamaty ókpesine jasandy jeldetkish apparaty qoıylǵan bes kúndik balasymen shuǵyl tártipte QR sanıtarııalyq avıatsııa jelisi boıynsha Qyzylorda qalasynan Almaty qalasyna jetkizildi.
«Sábı 27 shildede týa bitken júrek kemistigimen aýyr jaǵdaıda dúnıege kelgen. Bosanǵannan keıingi kezeńde jańa týǵan nárestege jaǵdaıyn turaqtandyrǵanǵa deıin qajetti medıtsınalyq kómek kórsetildi. Operatsııa júrgizý úshin náreste anasymen birge Almaty qalasynyń Pedıatrııa jáne balalar hırýrgııasy ǵylymı ortalyǵyna sanıtarlyq avıatsııanyń kúshimen jetkizildi. Mundaı qajettilik náreste densaýlyǵynyń aýyr jaǵdaıyna jáne medıtsınalyq mekemede operatsııa júrgizý úshin jaǵdaılardyń bolmaýyna baılanysty týyndady», delingen habarlamada.
Jańa týǵan nárestelerdi avıatasymaldaý patsıenttiń jaǵdaıyn tez arada turaqtandyrýdy qamtamasyz etý, búkil ushý ýaqyty ishinde aǵzanyń ómirlik mańyzdy fýnktsııalaryna monıtorıng júrgizý jáne qajettilik týyndaǵan jaǵdaıda kezek kúttirmeıtin is-sharalardy kórsetý úshin mańyzdy. Bul rette áýe kemesiniń bortynda qajetti medıtsınalyq jabdyqtar men dári-dármekterdiń bolýyna erekshe nazar aýdarylatynyn eskerý qajet.
Aıta keterligi, 2019 jyldyń birinshi jarty jyldyǵynda Ulttyq shuǵyl medıtsınany úılestirý ortalyǵynyń (UShMÚO) medıtsına mamandary 1 285 ushýdy oryndaǵan, 1 739 medıtsınalyq qyzmet kórsetken, 1 550 patsıentke kómek kórsetken.
UShMÚO kóbinese qanaınalym júıesi aýrýlarymen aýyratyn naýqastarǵa, jazataıym jaǵdaılar, ýlanýlar jáne jaraqattar alý kezinde, jańa týǵan náresteler men jas balalarda jasyndaǵy patologııalar kezinde, sondaı-aq kezek kúttirmeıtin akýsherlik jaǵdaılar kezinde medıtsınalyq kómek kórsetedi. 2019 jylǵy 6 aıda patologııalyq aýrýlary bar náresteler jalpy patsıentter sanynyń 11,7% qurady.