Sanavıatsııa aýyr haldegi búldirshindi Novosibirden Qazaqstanǵa jetkizdi
«Qazaqstan azamatynyń ata-anasynyń ótinishinen keıin QR densaýlyq saqtaý mınıstrligi QR syrtqy ister mınıstrliginiń kómegimen azamatty otanyna tasymaldaý máselesin sheshý úshin birqatar shuǵyl is-sharalar júrgizdi. Bala Novosibir qalasynda bolǵan. Kishkentaı patsıent jaǵdaıynyń aýyrlyǵyna baılanysty shuǵyl Iskıtım ortalyq qalalyq aýrýhanasyna jatqyzyldy. Alynǵan medıtsınalyq qujattama negizinde balany avıatasymaldaý úshin qajetti medıtsınalyq jabdyqtarmen jabdyqtalǵan sanavıatsııa bortyn jiberý týraly komıssııalyq sheshim qabyldandy» delingen habarlamada.
2018 jylǵy 11 jeltoqsanda jergilikti ýaqyt boıynsha saǵat 18:45-te QR sanıtarııalyq avıatsııasy em-domdy jalǵastyrý úshin patsıentti Astana qalasy №2 qalalyq balalar aýrýhanasyna jetkizdi.
Aıta keteıik, bıylǵy 11 aı ishinde Densaýlyq saqtaý mınıstrligi men sanıtarııalyq qyzmet 2299 ret ushyp, naýqastarǵa kómek kórsetti. Onyń ishinde 12 ret shetelde aýyr halde jatqan patsıentterdi tasymaldady. Budan basqa, 2855 medıtsınalyq qyzmet kórsetildi.
«Respýblıkalyq sanıtarııalyq avıatsııa ortalyǵynyń barlyq qyzmet kezeńinde 16559 patsıentke medıtsınalyq kómek kórsetildi. Sondaı-aq, donorlyq organdar men bıomaterıaldardy tasymaldaý úshin 63 márte ushty» deıdi vedomstvonyń baspasóz qyzmeti.
Sanıtarııalyq avıatsııa kóbine qan aınalym júıesiniń aýrýlary bar patsıentterge, jazataıym oqıǵalar, ýlaný jáne jaraqat alý kezinde, jańa týǵan jáne balalar jasyndaǵy patologııalar kezinde, sondaı-aq shuǵyl akýsherlik jaǵdaılar kezinde medıtsınalyq kómek kórsetedi. 2018 jylǵy 11 aı ishinde balalar jasyndaǵy patologııa patsıentterdiń 20,9%-da kezdesti.