Sanatáli Tóltaev IBA aıasyndaǵy bokstan álem chempıonatynda ekinshi jeńisine jetti

ASTANA. KAZINFORM - Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda 8 jeltoqsanda el quramasynan Sanatáli Tóltaev (67 keli) synǵa tústi.

Otandasymyz bul joly brazılııalyq Kasıo Santos Olıveramen qolǵap túıistirdi. Qazaqstandyq boksshy sharshy alańda shıraq qımyldap, kóbirek soqqy jumsap úlgerdi. Nátıjesinde jarysty jalǵastyrýǵa múmkindik alyp, shırek fınalǵa shyqty.

Qazaqstandyq boksshy budan buryn zambııalyq Jerald Kabındany 4:1 esebimen qapy qaldyrdy.

Endi el quramasynan kúndizgi sessııada Erasyl Jaqpekov (80 keli) reseılik Djambýlat Bıjamov, Nýrmagamed ıÝsýpov (92 keli) ıspanııalyq Enmanýel Reıes, Nurlan Saparbaı (92 keliden joǵary) beıratap eldiń ókili Iman Ramızanpýrdelvarmen sharshy alańǵa shyǵady.

Al keshki sessııada Temirtas Júsipov (48 keli) úndistandyq Devendra Sıngh Salandı Sabyrjan Aqqalyqov (75 keli) Dańa Zelandııa ókili Taýhırımatı Toherırı-Hallıt), Serik Temirjanov (60 keli) zambııalyq Endrıý Chılatamen kezdesedi.

ІBA týrnıri 3-13 jeltoqsan aralyǵynda Dýbaıda uıymdastyrylady. Bul básekede 13 salmaq dárejesi belgilengen. Júlde qory óte joǵary: chempıondar — 300 myń dollar, kúmis júldegerler — 150 myń dollar, qola júldegerler — 75 myń dollar, al shırek fınalıster 10 myń dollar alady.

Bıyl dúbirli dodaǵa jer-jahannyń 95 elinen bylǵary qolǵap sheberleri keldi.