Sanatáli Tóltaev IBA aıasyndaǵy bokstan álem birinshiligin jeńispen bastady

ASTANA. KAZINFORM — Halyqaralyq boks assotsıatsııasy (IBA) aıasynda Birikken Arab Ámirliginiń Dýbaı qalasynda ótip jatqan álem chempıonatynda el quramasynan Sanatáli Tóltaev (67 keli) 5 jeltoqsanda alǵashqy jekpe-jegin sátti ótkizdi.

Otandasymyz bul joly zambııalyq Jerald Kabındamen qolǵap túıistirgen edi. Tóreshiler sheshimimen jekpe-jek 4:1 esebimen Sanatáliniń basymdyǵymen aıaqtaldy.
Endi el quramasynan Erasyl Jaqpekov (80 keli) Býrkıno-Faso ókili Zýgrana Ebenezer, Dáýlet Tólemisov (86 kel) brazılııalyq Sıýza Ramon Botagellomen sharshy alańǵa shyǵady.

Qazirge deıin alǵashqy jekpe-jeginde otandasymyz Nýrmagamed ıÝsýpov (92 keli) tájikstandyq Navrýz Djafoevti birinshi raýndta nokaýtqa jiberip, jarysty jalǵastyrýǵa múmkindik aldy.

Sondaı-aq aldaǵy kúnderde el quramasynan Temirtas Júsipov (48 keli), Danııal Sábıt (51 keli), Sáken Bıbosynov (54 keli), Orazbek Asylqulov (57 keli), Ertýǵan Zeınýllınov (63,5 keli), Abylaıhan Júsipov (71 keli), Sabyrjan Aqqalyqov (75 keli), Nurlan Saparbaı (92 keliden joǵary) sharshy alańǵa shyǵady.