Sanatáli Tóltaev bokstan álem kýbogy 1/8 fınalyna shyqty
ASTANA. KAZINFORM — Qytaıdyń Gýııan qalasynda ótip jatqan álem kýbogynyń ekinshi kúni, 16 maýsymda qazaqstandyq Sanatáli Tóltaev jarysty jalǵastyrýǵa múmkindik aldy.
Otandasymyz 1/16 fınalda ázerbaıjandyq Malık Hasanovpen qolǵap túıistirdi. Qos boksshy da alma kezek shabýyldarmen almasyp, shıelenisti jekpe-jek ótkizdi. Biraq 2-raýndta Ázerbaıjan ókili qabaǵynan jaraqat alyp, jeńis Sanatáli Tóltaevqa berildi.
Endi el quramasynan taǵy 5 boksshy sharshy alańǵa shyǵady. Olardyń qatarynda Tımýr Nurseıitov (75 keli), Tımýr Qabdeshov (55 keli), Nazym Qyzaıbaı (54 keli, Laýra Esenkeldi (70 keli), Nurbek Oralbaı (90 keli) bar.
Eske salsaq, 15 maýsymda álem kýbogy ekinshi kezeńinde el quramasynan Sabyrjan Aqqalyqov (80 keli), Nurbek Oralbaı (90 keli), Serik Temirjanov (60 keli), Aıbek Oralbaı (90 keliden joǵary), Dına Islambekova (80 keliden joǵary) jarysty jalǵastyrýǵa múmkindik aldy.
Ókinishke qaraı, el quramasynan Natalıa Bogdanova (75 keli) qarsylasyna ese jiberip, jarys jolynan shyǵyp qaldy.
