Sanat Kóshkimbaev aldaǵy Parlament saılaýynyń negizgi erekshelikterin atady
«Bul, jalpy kópten kútken jańalyq ekenin aıta ketý kerek. Konstıtýtsııalyq zańǵa sáıkes saılaý óz ýaqytynda, óz merziminde ótkeli otyr. Bul – óte mańyzdy aspekt. ıAǵnı, Qazaqstandaǵy 6 saıası partııaǵa alda daıyndalýǵa jaqsy ýaqyt berildi. Ekinshiden, zańǵa sáıkes jastar men áıelderge 30 paıyzdyq oryn bólinedi. Buǵan deıin jastar men áıelderdiń daýysy jetkilikti deńgeıde esepke alyna bermeıtin edi. Taǵy bir másele, zańnamalyq turǵyda parlamenttik oppozıtsııanyń mártebesi bekitildi. Sebebi oppozıtsııalyq partııalardyń quqyǵy aldaǵy ýaqytta qorǵalyp, olardyń músheleri Májilistegi komıtet tóraǵalyǵyn ıelenetin boldy. Jalpy, Májiliste 7 komıtet bar. ıAǵnı, ol komıtetterdiń basshylyqtaryna oppozıtsııalyq partııanyń ókilderi keledi», - dedi Sanat Kóshkimbaev QazAqparat tilshisine telefon arqyly bildirgen pikirinde.
Sarapshynyń aıtýynsha, máslıhattar saılaýynyń alǵash ret partııalyq tizim boıynsha ótýi de – mańyzdy aspektilerdiń biri.
«Azamattar sonymen birge máslıhatqa ózin-ózi de usyna alady. Dál qazirgi ýaqytta tek partııa óz qatarynan máslıhattardaǵy oryn men jergilikti atqarýshy organdardaǵy laýazymǵa óz adamyn usyna alady. ıAǵnı máslıhat saılaýyna da úlken ózgerister engizildi», - dedi ol.
Eske sala ketsek, búgin Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalaǵan bolatyn.
«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy», - dedi Prezıdent úndeýinde.
