Sanasy bekimegen jetkinshekter aqparattyq salada qaraýsyz qalyp otyr - zertteý nátıjesi
Zertteý kórsetkenindeı, ata-ananyń tek 37 paıyzy ózderiniń balalarynyń aqparattyq qaýipsizdigin qalaı qamtamasyz etý kerektigin biledi. 3 paıyz ata-ana aqparattyq qaýipsizdik sharalaryn bile tura, ony qoldaný boıynsha eshqandaı is-áreket jasamaıtyn bolyp shyqty. Al qalǵan ata-ana múldem ol týraly beıhabar.
«Zertteý nátıjeleri bárimizgi alańdatyp otyr. Sebebi onda anyqtalǵanyndaı, suralǵan balalardyń jartysynan kóbi aqparattyq dereknamalardy durys qoldanbaıdy. Balǵyndardyń 78 paıyzy túnde teledıdar kóredi eken. Taǵy bir jartysy túnimen ınternette otyratyndyǵy belgili boldy», - deıdi «Sandj» ortalyǵynyń vıtse-prezıdenti Natalıa Baıtúgelova.
«Oqytýshylar men ata-analar aqparattyq saýattylyǵy jaǵynan balalardan qalys qalyp barady. Biz balǵyndar ınternetti qaı jerde paıdalanatyndyǵyn, olardyń qanshasy kompıýtermen qamtamasyz etilgendigin anyqtaýǵa tyrystyq. Zertteý nátıjesinde 70 paıyzǵa jýyq balanyń derbes kompıýterleri, al 60 paıyzdan astamynda ınternetke shyǵý múmkindigi bary anyq boldy. Qalanyń balasy úıde otyryp jáne kompıýterlik klýbtar arqyly, aýyl balasy úıden nemese mekteptegi kompıýterlerden ǵalamtorǵa shyǵady. Al kitaphanalardaǵy ǵalamtordy suralǵandardyń tek 1 paıyzy ǵana qoldanatyndyqtaryn aıtqan. Demek sanasy bekimegen jetkinshekter aqparattyq salada qaraýsyz qalǵan», - dedi N. Baıtúgelova.
Onyń aıtýynsha, shekteýsiz ınternet balalar úshin óte qaýpti. «Ol jerde krımınaldy qylmyskerler ózderiniń jábirlenýshilerin izdeıdi, onda rýhanı jáne adamı qundylyqtardyń tómendeýi baıqalady, máselen pornografııalyq, zorlyq-zombylyq ónimderi óte kóp», - dep atap kórsetti ol.
Osy máselege barlyq múddeli taraptardy jumyldyrý úshin «Sandj» zertteý ortalyǵy dóńgelek ústel jumysyna Іshki ister mınıstrligi, Bilim jáne ǵylym mınıstrligi, Baılanys jáne aqparat mınıstrligi, ıÝNISEF, L.Gýmılev atyndaǵy Eýrazııa ulttyq ýnıversıteti, Salamatty ómir saltyn qalyptastyrý ortalyǵy jáne taǵy da basqa ÚEU ókilderin shaqyrǵan.
