Sanaq: Túrkistan oblysynda 160-qa jýyq nusqaýshy jumysqa qabyldandy

TÚRKІSTAN. KAZINFORM — Elimizde aýyl sharýashylyǵy sanaǵy oflaın formatta 20 qyrkúıek pen 20 qazan aralyǵynda ótedi.

Ulttyq statıstıka bıýrosynyń Túrkistan oblysy boıynsha departamenti basshysynyń orynbasary Nurqoja Bekjanovtyń aıtýynsha, ulttyq statıstıka bıýrosy alynǵan barlyq derekterdiń qupııalyǵyna kepildik beredi. Málimetter tek statıstıkalyq maqsattarda ǵana paıdalanylady jáne salyq organdaryna nemese basqa memlekettik mekemelerge berilmeıdi. Arnaıy mamandar sanaqty úıme-úı aralaý arqyly júrgizetin bolady.

Búginde aýyl sharýashylyǵy sanaǵyn aqparattyq qamtamasyz etý úshin óńirde túsindirý jumystary júrgizilip jatyr. Eldi mekenderde sanaq ótetini týraly aýdıojazbalar taratylyp, bılbordtarǵa bannerler ilingen. 

— Qazirgi ýaqytta oblys boıynsha 159 nusqaýshy osy jumysqa tartyldy. Aldaǵy ýaqytta ótelmeli qyzmet kórsetý sharty boıynsha 636 suhbatshy qabyldanady. Júkteme normasyn tolyq oryndaǵan jaǵdaıda olardyń ortasha aılyq eńbekaqysy 185 366 teńgeni quraıdy. Suhbatshylardyń qaýipsizdigi úshin jergilikti polıtsııa qyzmetkerleriniń, medıtsınalyq pýnkt mamandarynyń baılanys nómirleri berilip, arnaıy ıt úrkitkish quraldarmen qamtamasyz etiledi, — dedi Nurqoja Bekjanov.

Aıta keteıik, budan buryn Batys Qazaqstanda 1 myńnan astam aýyl sharýashylyǵy kásiporny sanaqtan ótetindigin jazǵan bolatynbyz.