Sanaq: Shymkentte ıntervıýerler adamdar turatyn, turýy múmkin 223,3 myń nysandy aralaıdy
2021 jyldyń Ulttyq halyq sanaǵy 1 qyrkúıek pen 30 qazan aralyǵynda ótkiziledi.
Daıyndyq jumystary qazirden bastaldy. Jergilikti statıstıka departamentteriniń basty mindetterdiń biri turǵyn úılerdiń (páterlerdiń), turǵyn jaı retinde paıdalanylatyn turǵyn emes orynjaılardyń tizimin naqtylaýda.
«Shymkenttegi bizdiń ıntervıýerlerimizdiń aldynda óte mańyzdy úlken jumys tur. Sońǵy jyldary qalada kóppáterli jáne jeke turǵyn úılerdiń qurylystary qarqyndy júrgizilýde. Sondyqtan burynǵy kartografııalyq derekterdiń ózektiligi joǵaldy. Sanaqtyń negizgi kezeńinde qatelikter jibermes úshin, qazir aldyn ala kezeńde ıntervıýerler barlyq kóshelerdiń ataýlaryn, úılerdiń rettik nómirlerin jáne basqa da derekterin naqtylaýy qajet», - dep atap kórsetti Aıdapkelov.
Shymkentte 29 nusqaýshylyq jáne 198 tirkeý ýchaskeleri qurylǵan. 4 mamyrdan bastap ulttyq sanaq júrgizý jónindegi nusqaýshylarmen (ýákiletti 21 adam) eńbek sharty jasaldy. Nusqaýshy-baqylaýshylarmen jáne ıntervıýerlermen aqyly qyzmet kórsetý jónindegi kelisimsharttar bar. Sanaqty sapaly ótkizý úshin 248 adamnan turatyn barlyq sanaq qyzmetkerleri, onyń ishinde halyq sanaǵyn júrgizý jónindegi 21 ýákil, 29 nusqaýshy-baqylaýshy, 198 ıntervıýer tájirıbelik jattyǵýlarǵa qatysyp, Statıstıka departamentiniń bazasynda testileýden ótkizilgen.
Sanaq qyzmetkerleri orynjaılarmen, kompıýterlermen, jıhazdarmen qamtamasyz etilgen. Olardyń kompıýterleri memlekettik organdardyń biryńǵaı kólik ortalyǵyna (MO BKO) qosylǵan. Árbir qyzmetker jeke qorǵanys quraldarymen qamtamasyz etilgen. Qalalyq avtokólikte tegin júrý máselesi sheshilgen. Árbir nusqaýshylyq jáne esep ýchaskesine ýchaskelik polıtsııa ınspektory bekitildi.
Aldyn ala alynǵan málimetter boıynsha, birinshi kezeń ıntervıýerleri 223 308 turǵyn úı men adamdar turýy múmkin turǵyn emes orynjaılardy aralaýy tıis.
Ulttyq halyq sanaǵyna onlaın rejıminde de, dástúrli tásilmen de qatysýǵa bolady.
