Sanaq naqty bolmaı, maldyń sapasyn jaqsartý qıynǵa soǵady-Memleket basshysy
MATY. 28 shilde. QazAqparat /Erlik Erjanuly/ - Sanaq bolmaı, maldyń sapasyn jaqsartý qıynǵa soǵady. Bul týraly keshe Almaty oblysyna jasaǵan jumys sapary aıasynda Asy jaılaýynda ótken oblystyń Eńbekshiqazaq jáne Talǵar aýdandary malshylarynyń sletine qatysyp, sóılegen sózinde Elbasy Nursultan Nazarbaev aıtty.
"Mal ósirip, egin egip, óz tirshiligińdi óziń jas dep erkindik berdik. Endi mal basynyń sanyn jasyrýǵa bolmaıdy. Qulaǵynda syrǵasy joq, emdelmegen jáne anyqtamasy joq maldy eshkim satyp almaıdy. Ony bazarǵa jibermeımiz. Eger jasyratyn bolsańyzdar, ár qoıǵa 5 teńgeden salyq salatyn bolamyz. Bul aqsha jınaý úshin emes, esep júrgizý úshin kerek", - dedi Nursultan Nazarbaev.
Sanaq naqty bolmaı, maldyń sapasyn ósirýdiń qıyn ekenin aıtqan Elbasy, keńestik dáýirdegi memleket maldy tartyp alýy múmkin qorqynyshtan arylý kerektigin aıtty. "Hrýşevtiń kezindegideı eshkim endi maldy tartyp ala almaıdy. Qazaqstan qazir óz táýelsizdigin alǵan derbes memleket. Egemendiktiń alǵashqy jyldary oryn alǵan qıyndyqtar qazir birtindep artta qaldy. Máselen, Almaty oblysynda ǵana bir kezderi qoıdyń sany 1,5 mıllıonǵa, al iri qara 300 myńǵa deıin kemip ketken edi. Qazir onyń sany qaıta ósýde. Osy Asy jaılaýynyń ózinde ǵana 300 myń bas mal jaıylyp júr», - dedi Nursultan Ábishuly.
