Sanaq qorytyndysyn kimder kóre alady

NUR-SULTAN. QazAqparat – Ortalyq kommýnıkatsııalar qyzmetinde ótip jatqan bıfıngide Ulttyq statıstıka bıýrosynyń basshysy Nurbolat Aıdapkelov Halyq sanaǵynyń qorytyndysymen kimder egjeı-tegjeı tanysa alatynyn aıtty, dep habarlaıdy QazAqparat tilshisi.

«Halyq sanaǵynyń qorytyndylary statıstıkalyq aqparat bolyp tabylady. Sondyqtan bul jaǵdaı boıynsha arnaıy talaptar bar. ıAǵnı, ǵylymmen aınalysatyn ınstıtýttardyń, ǵylymı zertteý júrgizetin azamattardyń sanaq bazasyna qol jetkizý múmkindigi bar. Biraq ol árbir jeke adam boıynsha emes, jalpylama túrde, «dedıntıfıkatsııalanǵan» mazmunda beriledi», - dedi Ulttyq satıtıska bıýrosynyń basshysy.

Onyń aıtýynsha sanaqty eń negizgi qorytyndylary bıýronyń saıtyna satıstıkalyq derekter túrinde jarııalanady.

«Birinshiden, biz sanaq qorytyndysy boıynsha bazany óńdegennen keıin ony arnaıy kesteler boıynsha ınternettegi saıtymyzǵa salamyz. Biraq bazaǵa naqty talap boıynsha kirýge bolady. Basty talap – sanaq qorytyndysymen tanysqysy kelgen adam ǵylymmen aınalysatynyn dáleldeýi kerek. Sonymen birge ІR-servıs arqyly bizdiń júıege kirý múmkindigi bolýy kerek. Sol talaptardy saqtasa, deedıntıfıkatsııalyq mazmundaǵy bazaǵa kirýine bolady», - dedi vedomstvo basshysy.