Sanae Takaıtı Japonııanyń basqarýshy partııasynyń tóraıymy bolyp saılandy

ASTANA. KAZINFORM – Japonııanyń burynǵy ekonomıkalyq qaýipsizdik mınıstri Sanae Takaıtı bıleýshi Lıberaldyq-demokratııalyq partııanyń jańa tóraıymy bolyp saılandy. Bul týraly daýys berýdiń ekinshi týrynyń qorytyndysy kýálandyryp otyr, dep habarlaıdy TASS aqparat agenttigi. 

Ol keıinnen premer-mınıstr qyzmetine túsip, bul laýazymdaǵy alǵashqy áıel bolýy múmkin.

Takaıtı jalpy 341 daýystyń 185 daýysyna ıe boldy. Onyń qarsylasy – burynǵy premer Dzıýnıtıro Koıdzýmıdiń uly Sındzıro Koıdzýmı 156 daýys jınady.

Osylaısha, ol Sıgerý Isıba jaqyn kúnderi kútilip otyrǵan otstavkaǵa ketken soń Japonııanyń kelesi premer-mınıstri bolýy ábden múmkin. Bul Japonııanyń oppozıtsııalyq partııalary parlamentte ujymdyq sandyq kópshilikke ıe bolǵanymen saıası kózqarastarynda tym kóp kelispeýshilikteri sebebimen barlyq oppozıtsııalyq kúsh qoldaý kórsetýge daıyn premerdiń birińǵaı kandıdatýrasy úshin daýys bere almaıdy. Bul rette Takaıtı Japonııa tarıhyndaǵy alǵashqy áıel premer-mınıstr bolady.

Búgin Japonııanyń bıleýshi Lıberaldy-demokratııalyq partııasy qyzmetten ketken premer-mınıstr Sıgerý Isıbanyń muragerin tańdaý úshin saılaý ótkizdi.