SANA: Izraıl áskeri Sırııanyń ońtústigindegi birneshe eldi mekenge kirdi
ASTANA. KAZINFORM – Izraıl áskeri Sırııanyń ońtústigindegi El-Kýneıtra provıntsııasynyń birneshe eldi mekenine kirip, baqylaý-ótkizý beketterin qoıdy, dep habarlaıdy SANA.
Agenttikke silteme jasap TASS-tyń habarlaýynsha, Izraıldiń okkýpatsııalyq kúshteri El-Kýneıtra provıntsııasynyń ońtústik bóligindegi birneshe aýyl men qalaǵa kirip, onda ótkizý-baqylaý beketterin ornatyp, jergilikti turǵyndardy tintigen.
Bes áskerı kólikten turatyn kolonna Izraıl okkýpatsııalaǵan Golan jotasyndaǵy Er-Rafıd qalasyna kirdi. Taǵy bir kolonna Rýveıhına provıtsııanyń ortalyǵyndaǵy Damaskten 70 km qashyqtyqta turǵan aýylǵa kirdi. Izraıl áskeri basyp kirgennen keıin birneshe saǵattan soń qaıta shegindi.
26 shildede Parıjde AQSh-tyń araǵaıyndyǵymen Sırııa men Izraıl delegatsııalary arasynda kelissóz júrdi. Damasktegi dıplomatııalyq derekkózdiń habarlaýynsha, taraptar Izraıl men Sırııanyń Golan jotasyndaǵy kúshterin bólý týraly 1974 jylǵy kelisimdi jańǵyrtý máselesin talqylaǵan.
Onyń málimetteri boıynsha, Sırııa tarapy Izraıl áskerin jaqynda ǵana basyp alǵan jerlerden shyǵarýdy talap etken.
Osyǵan deıin AQSh-tyń Sırııadaǵy qaqtyǵysty toqtatýǵa ýáde bergeni týraly jazǵan edik.