Sán-saltanat salyǵy: Qymbat múlik joǵary koeffıtsıentpen esepteledi
ASTANA. KAZINFORM – Qarjy vıtse-mınıstri Erjan Birjanov jańa Salyq kodeksiniń jobasy daıyndalǵanyn aıtty.
«Qazir jańa Salyq kodeksiniń jobasy daıyndaldy. Onyń aıasynda múliktiń quny belgili bir shekten asyp tússe, oǵan salyq joǵary koeffıtsıent boıynsha salynady. Qazir osy prıntsıpti ustanyp otyrmyz. Dál qazir shekti mólsherdi jarııalaı almaımyn, sebebi talqylaý júrip jatyr», - dedi E. Birjanov Senatta tilshiler suraǵyna jaýap bere otyryp.
Bul rette ol qymbat múlikke koeffıtsıent joǵary bolatynyn naqtylady.
«Máselen, turǵyn úıdiń baǵasy tym joǵary bolsa, tısti deńgeı belgilenedi», - dedi vıtse-mınıstr.
Budan buryn habarlanǵandaı, jańa Salyq kodeksi Parlament qaraýyna 15 mamyrǵa deıin engizilýi kerek.
Bıyl 7 qańtarda ótken Úkimettiń keńeıtilgen otyrysynda Memleket basshysy Qasym-Jomart Toqaev Jańa Salyq kodeksin ázirleý barysyna kóńili tolmaıtynyn aıtty.
