Sán-saltanat salyǵy qashan kúshine enedi
Qarjy vıtse-mınıstri Erjan Birjanov sán-saltanat salyǵyna qatysty usynystar jumys tobynda qaralyp jatqanyn aıtty, dep habarlaıdy Kazinform.
«Qazir sán-saltanat salyǵyna qatysty usynystar qyzý talqydan ótip jatyr. Jańa Salyq kodeksi boıynsha jumys toby tıisti usynystardy pysyqtaýǵa kiristi. Jalpy, atalǵan salyqqa qatysty norma 2025 jyldan bastap kúshine enýi múmkin», - dedi E.Birjanov Májilistiń jalpy otyrysynan keıin tilshiler suraǵyna jaýap bere otyryp.
Onyń aıtýynsha, sán-saltanat salyǵyn esepteýdiń tıisti mejesi qaralyp jatyr.
«Túrli optsııalar pysyqtalady. Bul rette, qymbat avtokólikterdiń nemese birneshe páterdiń bolýyna qatysty máseleler qaralyp jatyr. Degenmen jumys tobynyń sheshimin naqty aıta almaımyn, sebebi talqylaý protsesi aıaqtalǵan joq», - dedi vıtse-mınıstr.
Bıyl qazan aıynda Premer-Mınıstrdiń orynbasary – Qarjy mınıstri Erulan Jamaýbaev sán-saltanat salyǵy baılyqqa emes, asyra baılyqqa salynatynyn aıtqan edi.
