San-Remoda 66-shy ret álemge tanymal Italııa ánderiniń festıvali ashyldy
ASTANA. QazAqparat - Italııanyń shıpajaılyq qalashyǵy San-Remodaǵy "Arıston" (Ariston) teatrynda kóptegen tanymal oryndaýshylar úshin shoý-bıznes álemine jol ashqan ataqty ánder festıvali 66-shy ret ótkizilýde.
13 aqpanǵa deıin jalǵasyp, bes kesh boıy Italııanyń Rai memlekettik teledıdarynyń Birinshi telearnasynda kórsetiletin televızııalyq baıqaý reglamentine sáıkes, oǵan ıtalıan tilinde alǵash ret oryndalyp otyrǵan ánder qatysady.
Basty júlde - «Altyn palmany» jeńip alýǵa osy joly 20 adam úmitti. Olardyń arasynda 2010 jylǵy San-Remo jeńimpazy Valerıo Skaný (Valerio Scanu), bul baıqaýǵa úsh ret qatysqan (2006,2009 jáne 2012 jyldary) ánshi Dolchenera (Dolcenera), «Arıston» teatrynda úsh ret óner kórsetken (2010,2012 jáne 2014 jyldary) ánshi Noemı (Noemi) jáne festıvalǵa 2006 jáne 2007 jyldary kelgen ataqty Zero Assoluto toby bar. Bólek júldege talasqa dástúr boıynsha segiz jas ánshi túsedi.
