San-Paýlýdaǵy narazylyq sherýi jappaı tártipsizdikke ulasty
ASTANA. QazAqparat - Brazılııanyń San-Paýlý qalasynda keshe tártip saqshylary jappaı tártipsizdiktiń jolyn kesý úshin narazylyq bildirýshiler tobyna qarsy kózdi jasaýratatyn gaz ben basqa da arnaıy quraldar qoldandy, dep jazady ITAR-TASS.
Buqaranyń jappaı tártipsizdikke aralasýyna Black Bloc anarhııalyq tobynyń músheleri túrtki bolǵan. Olar bank keńselerin qıratyp, jergilikti telearnanyń reporterleri mingen kóliktiń terezesin shaqqan. Budan da bólek birneshe jerde buzaqylyq jasap, qoqys jáshikterin órtep, kólikterge zaqym keltirgen.
Derekter boıynsha, Black Bloc anarhııalyq tobynyń bet-aýyzyn tumshalap alǵan keı músheleri narazylyq sherýine qatysýshy basqa adamdardyń qarsylyǵymyzdy beıbit túrde bildireıik degenine qaramastan, qyzbalyqqa salynǵan. Qalyń buqara negizinen qoǵamdyq kólikterdegi jolaqyny arzandatýdy, metropolıtenniń sherý kezinde jumystan shyǵarylǵan 40 qyzmetkerin qaıta jumysqa alýdy talap etpek bolǵan.
