San-Paýlýda Álem chempıonatyna arnalǵan fýtbol stadıonynyń qurylysy toqtatyldy
ASTANA. QazAqparat - San-Paýlýda Álem chempıonatyna arnalǵan fýtbol stadıonynyń qurylysy toqtatyldy, dep habarlaıdy Bı-Bı-Sı.
Brazılııa basshylyǵy San-Paýlýda «Arena Korıntıans» stadıonynyń qurylysyn toqtatyp qoıdy. Jaqynda senbi kúni onyń qurylysy barysynda bir jumysshy qaza bolǵan edi.
Maýsym aıynda osy stadıonda fýtboldan álem chempıonatynyń matchtary ótkizilýi tıis. Qurylysshy 8 metrlik tuǵyrdan qulap mertikken, bul osymen stadıondaǵy úshinshi adam ólimi. Eki adam qarasha aıynda qulaǵan krannyń astynda qalyp, kóz jumǵan bolatyn. Qazirgi ýaqytta jumysshylar onsyz da stadıon qurylysynyń belgilengen merzimine ilese almaı keledi. Endi, mine, taǵy biraz qıyndyqtar týyndaıtyn túri bar.
