San-Paýlýda 8 fýtbol jankúıerin atyp ketti
ASTANA. QazAqparat - San-paýlý qalasynda fýtbol jankúıerleri klýbynda bolǵan atystan 8 adam mert boldy, dep habarlady «VVS» agettigi Brazılııa polıtsııasy aqparatyna súıene otyryp.
«Korıntıans» komandasynyń jankúıerleri aldaǵy matchqa baılanysty bannerler ázirlep jatqanda ǵımaratqa qarýlanǵan adamdar basa-kóktep kirgen. Olar 7 adamdy jerge jatqyzyp, atyp salǵan. 8-shi adam qashyp bara jatqanda oqqa ushqan. Polıtsııa taratqan aqparatta oqıǵanyń esirtki saýdasyna qatystylyǵy da aıtylǵan.
