San mıllıondaǵan turǵyny bar Bangalor qalasy kóshelerin janatyn kóbik basyp qaldy (FOTO)
ASTANA. QazAqparat - Jańbyr jaýǵan saıyn Úndistannyń san mıllıondaǵan turǵyny bar Bangalor kóshelerin jergilikti Bellander kólinde paıda bolatyn ıisi jaǵymsyz kóbik basyp qalady.
Ondaǵan jyldar boıy sý qoımasy hımııalyq jáne ýly qaldyqtarǵa toly sý jiberiletin oryn bolǵan. Bellander kóli eldegi eń las jáne ýly sý qoımasy bolyp tanylǵan. Alaıda jergilikti bıliktiń kem degende 156 mıllıon dollar turatyn tazartý júıesin salýǵa qarajaty joq.
Kóshelerdi basqan kópirshiktiń quramynda maılar, jýǵysh quraldar, maılaıtyn jáne ózge de hımıkattar bar, sondyqtan ol jaqsy órtenedi. Órt bolý úshin tipti temeki tuqylyn tastaý da jetkilikti. Al terige tıgen kóbik túrli bórtýler men allergııaǵa soqtyrady. Jergilikti turǵyndar bastarynyń jıi aýyryp, aınalatynyna, asqazandary, sondaı-aq tynys alý joldarynyń problemalary boıynsha jıi shaǵymdanyp otyr.
