Sán ındýstrııasy ýly aısbergtiń ushy ǵana – BUU Bas hatshysy

ASTANA.KAZINFORM - BUU Bas hatshysy Antonıý Gýterrısh shamadan tys ysyrapshyldyq ekonomıkanyń barlyq salasy úshin problema ekenin aıtty, dep habarlaıdy Kazinform.

BUU basshysy Bas assambleıa otyrysynda sóılegen sózinde adamzat jyl saıyn eki mıllıard tonnadan astam qaldyq shyǵaratynyn eske saldy.

- Toqyma óndirisine myńdaǵan hımııalyq zat paıdalanaylady. Onyń kóbi qorshaǵan ortaǵa zııanyn tıgizedi, - dedi Antonıo Gýterrısh. - Olar parnıktik gaz shyǵaryp, klımattyq daǵdarysty údete túsedi. Kıim bir rettik paıdalanýǵa basymdyq beretin bıznes-modelderge negizdelgen jyldamdyqpen óndiriledi jáne joıylady. Biraq sán ındýstrııasy «ýly aısbergtiń ushy ǵana. 

Shamadan tys qaldyq ekonomıkanyń barlyq salalaryndaǵy problema.

BUU Bas hatshysy ózgerister bolýy múmkin ekenin atap ótti. 

Sán áleminde dızaınerler qaıta óńdelgen materıaldarmen tájirıbe jasaýda. Tutynýshylar materıaldardyń ekologııalyq quramdas bóligine kóbirek talaptar qoıady.

- Progreske súıene otyryp, biz planetamyzdy joıyp jiberetin baqylaýsyz qaldyqtardy óndirý tájirıbesin toqtatýymyz kerek, - dedi ol. - Halyqaralyq nóldik qaldyq kúninde barlyǵymyz álemdi tazalaýǵa jáne qurýǵa mindetteneıik.

Halyqaralyq nóldik qaldyq kúni 30 naýryzda toılanady. Bıyl ol sán jáne toqyma taqyrybyna arnalǵan.

Buǵan deıin Qazaqstanda tehnogendi qaldyqtardyń biryńǵaı reestri qurylýy kerek ekenin jazǵanbyz.