«San-Hýan» súńgýir qaıyǵy joǵalǵan aýmaqta jarylys tirkeldi
ASTANA. QazAqparat - Argentına áskerı-teńiz kúshteriniń «San-Hýan» súńgýir qaıyǵy joǵalǵan tóńirekte jarylys bolǵany tirkeldi, deıdi Argentına ÁTK ókili Enrıke Balbı.
Bul jaıly «Bı-Bı-Sı» habarlaıdy.
«Bortynda 44 adamdyq ekıpajy bolǵan súńgýir qaıyqty izdeý jumystary jalǵasýda. Atlant muhıtynda ıadrolyq emes sıpattaǵy jarylysqa óte uqsaıtyn qýatty akýstıkalyq dúmpý tirkeldi», - deıdi Enrıke Balbı.
Úreı týyndatatyn akýstıkalyq qubylys 15 qarashada bolǵan, sodan keıin súńgýir qaıyqpen baılanys úzildi.
ÁTK ókiliniń aıtýynsha, dúmpý súńgýir qaıyq turǵan aımaqta bolǵan. Biraq ol qandaı jarylys ekeni týraly eshqandaı aqparat joq.
