San-Frantsıskonyń ortalyǵynda atys boldy

SAN-FRANTsISKO. QazAqparat - San-Frantsıskonyń ortalyǵynda (Kalıfornııa shtaty, AQSh) bolǵan atys saldarynan bes adam jaraqat aldy. Bul týraly qala polıtsııasy Twitter-de jazdy, dep habarlaıdy QazAqparat.

«Tergeý júrip jatyr, atys saldarynan bes adam zardap shekti», - delingen onda.

Oqıǵa ornyna quqyq qorǵaý organdarynyń qyzmetkerleri men dárigerler kelip jetti. Aldyn ala málimetter boıynsha, zardap shekkenderdiń eshqaısysy aýyr jaraqat almaǵan. Sondaı-aq polıtsııa qarý tabylǵanyn habarlady.