San-Frantsıskoda jolaýshylar ushaǵy apatqa ushyrady
ASTANA. 7 shilde. QazAqparat - Keshe, 6 maýsymda AQSh-tyń San-Frantsısko qalasynyń halyqaralyq áýejaıynda Boeing 777 jolaýshylar ushaǵy durys qona almaı, jerge soǵylǵan.
Kem degende 2 adam qaza tapty degen aqparat bar.
Ońtústik Koreıanyń Asiana Airlines ushaǵy Seýlden San-Frantsısko qalasyna ushyp kelgen. Bortta 291 jolaýshy men 16 ekıpaj múshesi bolǵan.
Qıraǵan ushaqtan ondaǵan adamdar óz aıaǵymen shyqqan. Al 50-ge jýyq adamnyń jaǵdaıy aýyr, olar aýrýhanaǵa jetkizildi.
Resmı ókilder apattyń terrorlyq áreketterdiń kesirinen bolmaǵanyn málim etti, dep habarlaıdy «Azattyq».
