San-Frantsıskoda Wells Fargo bankiniń murajaıyn tonap ketti
ASTANA. QazAqparat - San-Frantsıskoda belgisiz bireýler Wells Fargo banki murajaıynan 280 gramm altyndy qoldy etken. Polıtsııanyń derekterine súıensek, betperde kıgen úsh er adam shaǵyn júk kóligimen Altyn bezgek ýaqytynyń qazynalary saqtalǵan qoımaǵa basa-kókteı kirgen.
Oqıǵa jergilikti ýaqyt 02:30-da oryn aldy. Der kezinde kelgen murajaıdyń kúzetshisi jaqyn jerde kútip turǵan basqa kólikpen boı tasalaǵan urylarǵa qarsy tura almady.
Urlanǵan úlgilerdiń ishinde Kalıfornııa aýmaǵynan XIX ǵasyrda tabylǵan altyn da bar ekeni anyqtaldy.
Ataqty murajaı jádigerleriniń ishinde - altyn óndiretin aspaptar, kıim-keshek, aıaq kıim, som altyndar jáne t.b. bar.
Ázirge polıtsııa qylmyskerlerdiń izine túse almaı otyr, murajaı ýaqytsha jabyldy, dep habarlaıdy TASS.
