San-Frantsıskoda sheteldegi sońǵy saılaý ýchaskesi óz jumysyn aıaqtady

ASTANA. QazAqparat - San-Frantsıskodaǵy sheteldegi sońǵy saılaý ýchaskesi óz jumysyn aıaqtady, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Baspasóz qyzmeti taratqan málimetterge qaraǵanda, sońǵy saılaý ýchaskesine saılaýshylar 100% kelgen.

Osyǵan deıin San-Frantsıskoda sońǵy saılaý ýchaskesi jumysyn bastaǵanyn jazǵan bolatynbyz.

Aıta keteıik, Qazaqstanda kezekten tys Prezıdent saılaýy ótti.

Ortalyq saılaý komıssııasynyń málimeti boıynsha, keshe, 20-qarashada saǵat 22.00-degi jaǵdaı boıynsha respýblıkanyń 8 299 501 azamaty bıýlleten aldy. Ol - tizimge engizilgen azamattardyń 69,43 paıyzy degen sóz. Al 4 óńirde saılaýshylardyń 80 paıyzdan astamy daýys bergen.

Barlyq óńirde 10 033 ýchaske jumys istedi.

Shet memleketterde 68 saılaý ýchaskesi jumys istedi.