San-Frantsıskoda Boeing 777 apaty aldynda ushqyshtar qonýdan bas tartqysy kelgen
ASTANA. 8 shilde. QazAqparat - San-Frantsıskoda qoný kezinde apatty bolǵan ushaqtyń ushqyshtary qaıǵyly oqıǵaǵa deıin birneshe sekýnd buryn qoný áreketin qaıtadan bastaý úshin jyldamdyqty kótermek bolǵan. Bul týraly AQSh-tyń kóliktegi qaýipsizdik ulttyq keńesiniń ókili aıtty, dep habarlady VVS.
Ońtústikkoreıalyq Asiana kompanııasynyń Boeing 777 ushaǵynyń apaty nátıjesinde 307 jolaýshynyń ekeýi qaza bolyp, basym bóligi zardap shekti.
Ushý kezinde jazylǵan taspanyń málimetine qaraǵanda, ushqyshtar Boeing 777 qonýǵa josparlanǵan jyldamdyqtan aıtarlyqtaı tómen kórsetkishpen kelgenin ózara sóz etken.
Belgili bolǵandaı, ushaq qorǵanys irgesine soqtyǵysqanǵa deıin ushqyshtar birjarym sekýnd buryn ekinshi aınalymǵa kelý úshin qonýdyń birinshi áreketinen bas tartýǵa tyrysqan kórinedi.
