San-Frantsısko halyqaralyq áýejaıynan 240-tan astam ushaq ushyrylmaı qaldy
ASTANA. QazAqparat - Kúshti jel saldarynan San-Frantsısko (AQSh, Kalıfornııa shtaty) halyqaralyq áýejaıynda 240-tan astam ushaqtyń reısi keıinge shegerildi.
San-Frantsısko shyǵanaǵynda joldardy sý basqan, keı ýchaskeler kólik qozǵalysy úshin joldar jabyq. Al keıbir shosseler jartylaı jabylǵan. Qatty jel saldarynan ondaǵan aǵashtar qulap, elektr jelileri úzilgen, nátıjesinde 70 myń adam jaryqsyz qaldy. Sondaı-aq stansalardyń sý astynda qalýy sebepti qala poıyzdarynyń qozǵalysy toqtatyldy. Sý kólikteri de jolǵa shyǵarylmaıdy. Sınoptıkterdiń boljamynsha, bul sońǵy bes jylda óńirde oryn alǵan eń kúshti daýyl bolyp otyr. Sonymen qatar olar jergilikti turǵyndarǵa jeldiń ekpini sekýndyna 35 metrge deıin kúsheıe túsýi múmkin ekenin eskertýde, dep habarlaıdy TASS.
