San-Frantsısko áýejaıynyń mańynda jarylys bolyp, sońy órtke ulasqan
ASTANA. Qyrkúıektiń 10-y. QazAqparat - San-Frantsısko halyqaralyq áýejaıynan birneshe shaqyrym jerde ornalasqan amerıkandyq Kalıfornııa shtatynyń San-Brýno qalasynda iri órt oqıǵasy oryn aldy. Qatty jarylystan keıin keminde on úı birden otqa oranǵan, dep habarlaıdy Ýtro.rý agenttigi.
Oqıǵany kózben kórgenderdiń habarlaýynsha, 300 metr bıiktikke kóterilgen jarylystan keıin jalyn bastalǵan. Jergilikti halyqtyń jartysy órt saldarynan qaýipsiz jerlerge kóshirildi. Jarylys ne sepbepti bolǵany habarlanbady. Sondaı-aq, qaza tapqandar men zardap shekkender týraly da aqparat ázirge berilgen joq.
